Құрметті ата-аналар!
Оқу жылының аяқталуына байланысты назарларыңызға маңызды ақпарат ұсынамыз.
Мектеп қабырғасында өткізілетін барлық іс-шаралар заңға және тәрбие қағидаттарына сәйкес ұйымдастырылуы тиіс. Осыған орай, келесі әрекеттерге қатаң түрде тыйым салынады:
✅Бітіруші 4, 9 және 11-сынып оқушыларынан мектеп қажеттілігіне ақша жинау;
✅Аниматорлар, мерекелік студиялар мен агенттіктерді шақыру;
✅Мұғалімдер мен мектеп әкімшілігіне қандай да бір сыйлықтар тарту ету;
✅Мектеп ішіндегі жөндеу жұмыстарына қажетті заттар үшін қаражат жинау;
✅Оқушылардың автокөлік шеруіне қатысуы, ойын-сауық орындарына (мейрамхана, саябақ және т.б.) баруы;
✅Қорытынды аттестаттау кезінде ата-аналар есебінен мерекелік дастархан ұйымдастыру.
Бұл шектеулердің мақсаты – сыбайлас жемқорлықтың алдын алу, педагогикалық әдепті сақтау және білім беру ұйымдарында әділдік пен ашықтықты қамтамасыз ету.
Құрметті ата-аналар!
Сіздердің осы ережелерге түсіністікпен қарап, мектеппен өзара сенім мен қолдау жағдайында әрекет етулеріңіз – балаларымыздың қауіпсіздігі мен болашағы үшін өте маңызды.
Егер сұрақтар немесе ұсыныстар болса,білім басқармасы сіздер үшін әрқашан ашық екенін ескертеміз.
Ізгі ниетпен,
Ақтөбе облысының білім басқармасы
